Haideblitz ond Sonneschai - April 2014
Semmer Alloi oder halde m´zamme?!
Du laufsch uff´m Gehweg,
Vier Leut kommet Dir entgegen.
Älle Näbeneinander ond
koiner macht Dir Platz!
Semmer Alloi oder halde m´zamme?!
Am Sonntag, 25.Mai isch Wahlsonntag.
Gemeinderat, Regionalversammlung ond
Europwahl.
Mir läbet innem freie Land ond dürfet frei wähle;
doch was wird bassiere -
d´Wahlbeteligung wird weider senke.
Semmer Alloi oder halde m´zamme?!
Du laufsch Dein Weg ond erschricksch,
weil aus heiterem Himmel – plötzlich
ein Radler näbe Dir vorbeizischt -
ohne dass er auf sich uffmerksam g´macht hott.
Semmer Alloi oder halde m´zamme?!
Du stehsch am Bahnsteig,
die Bahn fährt ein.
Du willsch einsteigen,
kommsch aber net nei -
weil drenne Älle dubblich rond
om die Tür standet – obwohl die
Gänge älle frei send.
Semmer Alloi oder halde m´zamme?!
Du sitzsch im Stadion beim VfB,
bewunderst einzelne Aktionen,
einzelner Spieler ond wonderscht Dich,
warum rechts ond links die Spieler
bloos rumsteh ond net mitspielet.
Semmer Alloi oder halde m´zamme?!
I wünsch Euch a guade Grillzeit, a glückliche Weltmeisterschaft, ganget am 25.Mai wähle ond genießet den Sommer 2014!
Lasst Sonne in Euer Herz
Euer
Michel FreiMönch