Ihre Browserversion ist veraltet. Wir empfehlen, Ihren Browser auf die neueste Version zu aktualisieren.

Haideblitz ond Sonneschai - Dezember 2014

Grüß Gott liebe Nachbarn!

Verantwortung übernemme!

Was juckts mie, wenn die Buabe

do Vorne ihren Müll uff Stroaß kippet;

senn doch net meine Jonge,

sollet sich die Eltern kümmre.

Verantwortung übernemme!

Hosch des Gschwätz von denne

Politiker g´hört.

Do kriegsch en Vogel -

denne glaub i nix mer,

die wähl i nemme!

Verantwortung übernemme!

D´Politiker stellet sich no ond saget -

mir müsset me Schulde mache -

selber müsset se net grad stande,

für ihre Fehler ond hinterlassets de

nächste Generation.

Verantwortung übernemme!

Mei Chef will, dass i länger schaff´,

Obends ond am Wochenend erreichbar bin -

Meine Kollege schicket a Mail ond rufet glei oa,

ob i´s scho gläse han ond was i moin.

Verantwortung übernemme!

I froag mi – wann standet Ihr endlich uff?!

Wie lang lasset Ihr des no mit Euch mache?

Warum schlucket die Deutsche älles?

Verantwortung übernemme!

Schwätzet Leut oh, wenn Oiner offensichtlich Unrecht tut!

Ganget zur Wahl ond gebbet Euer Stimme ab!

Saget au mol Nein zum Chef und Kollege!

Fanget endlich o, engagiert Euch ond

übernemmet Verantwortung!

Lasst Sonne in Euer Herz

Euer Michel FreiMönch